जान मुल्डर सन् १९९४ देखि डच उदारवादी दल ' भीभीडी ' का तर्फबाट युरोपेली संसदका सदस्य हुनुहुन्छ र उहाँ संसद् ‌मा अलायन्स अफ लिबरल्स एन्ड डेमोक्र्याट्स फर युरोप (एएलडीई)का सदस्य हुनुहुन्छ।

उहाँ वि.सं. २००० असोज १७ गते नेदरल्यान्ड्सको डिएभरमा जन्मनुभएको हो र अझै त्यहीँ बस्नुहुन्छ। उहाँले वागेनिन्गेन विश्वविद्यालयबाट कृषि इन्जिनियरमा स्नातक गर्नुभयो र त्यसपछि खाद्य तथा कृषि सङ्गठन (एफएओ)का लागि विकासोन्मुख देशहरू , डच विदेश मन्त्रालय तथा युरोपेली आयोगमा कृषिविज्ञका रूपमा काम गरिसक्नुभएको छ।

जान मुल्डर संसदीय बजेट समितिका उपाध्यक्ष तथा बजेट नियन्त्रण समितिमा एएलडीईका प्रवक्ता हुनुहुन्छ। उहाँ कृषि तथा ग्रामीण विकास समितिका वैकल्पिक सदस्य हुनुहुन्छ तथा सन् २००४ को ईयूको बजेटका लागि संसदीय प्रतिवेदक हुनुहुन्थ्यो। सन् १९९९ यता उहाँ युरोपेली संसदमा भूमि प्रयोग तथा खाद्य नीति अन्तरसमूह (एलयूएफपीआईजी)का अध्यक्ष हुनुहुन्छ।

सन् २००४ जुलाईदेखि जान मुल्डर दक्षिण एसियाली देशहरूसँगको सम्बन्धबारेको प्रतिनिधिमण्डलका सदस्य हुनुहुन्छ। त्यस हैसियतमा उहाँले युरोपेली संसदको विकास समितिका सदस्यहरूसँग नेपाल भ्रमण गरिसक्नुभएको छ। त्यस मिसनले नेपालमा प्रजातान्त्रिक विकासमा सहयोग पुर्‍यायो।